സർക്കാർ മേഖലയിൽ മികച്ചൊരു കരിയർ സ്വപ്നം കാണുന്നവർക്ക് സുവർണ്ണാവസരവുമായി ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (HPCL). വിവിധ തസ്തികകളിലായി 116 ഓഫീസർ ഒഴിവുകളിലേക്കാണ് ഇപ്പോൾ അപേക്ഷ ക്ഷണിച്ചിരിക്കുന്നത്. ജൂനിയർ എക്സിക്യൂട്ടീവ് മുതൽ ചീഫ് ജനറൽ മാനേജർ വരെയുള്ള തസ്തികകൾ ഇതിൽ ഉൾപ്പെടുന്നു. യോഗ്യതയുള്ള ഉദ്യോഗാർത്ഥികൾക്ക് ജൂലൈ 20 വരെ ഓൺലൈനായി അപേക്ഷ സമർപ്പിക്കാം.
തസ്തികകളും ഒഴിവുകളും വിവിധ വിഭാഗങ്ങളിലായി താഴെ പറയുന്ന തസ്തികകളിലാണ് നിയമനം:
ജൂനിയർ എക്സിക്യൂട്ടീവ് – കെമിക്കൽ: 37 ഒഴിവുകൾ.
ജൂനിയർ എക്സിക്യൂട്ടീവ് – ഫയർ & സേഫ്റ്റി: 17 ഒഴിവുകൾ.
സീനിയർ ഓഫീസർ – സെയിൽസ്: 52 ഒഴിവുകൾ.
അസിസ്റ്റന്റ് മാനേജർ/മാനേജർ – പ്രോജക്ട്സ്: 5 ഒഴിവുകൾ.
മറ്റ് സീനിയർ തസ്തികകൾ: 5 ഒഴിവുകൾ.
യോഗ്യതകൾ ഓരോ തസ്തികയ്ക്കും വ്യത്യസ്തമായ വിദ്യാഭ്യാസ യോഗ്യതകളാണ് നിശ്ചയിച്ചിരിക്കുന്നത്.
ജൂനിയർ എക്സിക്യൂട്ടീവ് (കെമിക്കൽ): കെമിക്കൽ എഞ്ചിനീയറിംഗിൽ മൂന്ന് വർഷത്തെ റെഗുലർ ഡിപ്ലോമ.
ജൂനിയർ എക്സിക്യൂട്ടീവ് (ഫയർ & സേഫ്റ്റി): സയൻസ് ബിരുദവും, ഫയർ ആൻഡ് സേഫ്റ്റിയിൽ ഡിപ്ലോമയും, ഹെവി വെഹിക്കിൾ ഡ്രൈവിംഗ് ലൈസൻസും നിർബന്ധമാണ്.
സീനിയർ ഓഫീസർ (സെയിൽസ്): മെക്കാനിക്കൽ/ഇലക്ട്രിക്കൽ/ഇൻസ്ട്രുമെന്റേഷൻ/കെമിക്കൽ/സിവിൽ എഞ്ചിനീയറിംഗിൽ ബിരുദവും, ഒപ്പം രണ്ട് വർഷത്തെ ഫുൾടൈം എംബിഎ അല്ലെങ്കിൽ പിജിഡിഎം യോഗ്യതയും ഉണ്ടായിരിക്കണം.
അസിസ്റ്റന്റ് മാനേജർ/മാനേജർ (പ്രോജക്ട്സ്): സിവിൽ എഞ്ചിനീയറിംഗിൽ നാല് വർഷത്തെ ബിരുദം. ഇതിനുപുറമെ, ചീഫ് മാനേജർ, ഡിജിഎം തുടങ്ങിയ ഉയർന്ന തസ്തികകളിലേക്ക് ബന്ധപ്പെട്ട വിഷയങ്ങളിലുള്ള ബിരുദാനന്തര ബിരുദവും പ്രവൃത്തിപരിചയവും ആവശ്യമാണ്.
പ്രായപരിധിയും ഫീസും തസ്തികകൾക്കനുസരിച്ച് 25 വയസ്സു മുതൽ 56 വയസ്സു വരെയാണ് പ്രായപരിധി. സർക്കാർ ചട്ടപ്രകാരം എസ്സി/എസ്ടി, ഒബിസി, ഭിന്നശേഷിക്കാർ തുടങ്ങിയ വിഭാഗങ്ങൾക്ക് വയസ്സിളവ് ലഭിക്കും. അപേക്ഷാ ഫീസ് സംബന്ധിച്ച വിവരങ്ങൾ പരിശോധിച്ചാൽ, UR/OBC/EWS വിഭാഗക്കാർ 1,180 രൂപ അടയ്ക്കണം. അതേസമയം, SC/ST/PwBD വിഭാഗക്കാർക്ക് അപേക്ഷാ ഫീസ് ബാധകമല്ല.
ശമ്പളവും ആനുകൂല്യങ്ങളും ഇന്ത്യയിലെ മുൻനിര പൊതുമേഖലാ സ്ഥാപനമായ HPCL വാഗ്ദാനം ചെയ്യുന്നത് ആകർഷകമായ ശമ്പള പാക്കേജാണ്. 30,000 രൂപ മുതൽ 2,80,000 രൂപ വരെയാണ് പ്രതിമാസ ശമ്പളം. ജൂനിയർ എക്സിക്യൂട്ടീവ് തസ്തികകളിൽ 30,000–1,20,000 രൂപ വരെയും, ഉയർന്ന തസ്തികകളിൽ 60,000 മുതൽ 2,80,000 രൂപ വരെയും ശമ്പളം ലഭിക്കും. അടിസ്ഥാന ശമ്പളത്തിന് പുറമെ കമ്പനി ചട്ടങ്ങൾ പ്രകാരമുള്ള മറ്റ് അലവൻസുകളും ആനുകൂല്യങ്ങളും ഉദ്യോഗാർത്ഥികൾക്ക് ലഭിക്കുന്നതാണ്.
തിരഞ്ഞെടുപ്പ് രീതി ഉദ്യോഗാർത്ഥികളെ തിരഞ്ഞെടുക്കുന്നതിനായി സുതാര്യമായ രീതികളാണ് HPCL പിന്തുടരുന്നത്. കംപ്യുട്ടർ അധിഷ്ഠിത പരീക്ഷ (CBT), ഗ്രൂപ്പ് ടാസ്ക്, പേഴ്സണൽ ഇന്റർവ്യൂ, രേഖാ പരിശോധന എന്നിവ ഇതിൽ ഉൾപ്പെടുന്നു. കൂടാതെ, ചില തസ്തികകൾക്ക് ഫിസിക്കൽ ഫിറ്റ്നസ് ടെസ്റ്റും മെഡിക്കൽ പരിശോധനയും നിർബന്ധമാണ്.
അപേക്ഷിക്കേണ്ട വിധം താൽപ്പര്യമുള്ളവർ ഔദ്യോഗിക വെബ്സൈറ്റ് സന്ദർശിച്ച് ഓൺലൈനായി ജൂലൈ 20-നകം അപേക്ഷ സമർപ്പിക്കേണ്ടതാണ്. വിശദമായ വിവരങ്ങൾക്കും വിജ്ഞാപനത്തിനും ഈ ലിങ്ക് സന്ദർശിക്കാവുന്നതാണ്.